ഞാൻ അന്നും ഇന്നും മീൻ, ഇറച്ചി ആൻഡ് പച്ചക്കറി മുതലായ സാധനങ്ങൾ വാങ്ങുന്നത് ചങ്ങനാചേരി ഇൽ നിന്നാണ്.
മീൻ മേടിച്ചാൽ അവൾ പറയും.
കൊള്ളില്ലയിരുന്നു.
പോരായിരുന്നു.
സ്വല്പം പ്രശനം ഉണ്ടായിരുന്നു.
പകുതി കളയേണ്ടി വന്നു.
വെറുതെ പൈസ കളയുന്നു.മേടിക്കുമ്പോൾ നോക്കി വാങ്ങാൻ അറിയില്ലെ.
ഞാൻ പതിവ് പോലെ മീൻ വാങ്ങി വന്നു. മീൻ മാറി. അവളുടെ അഭിപ്രയാത്തിന്നു മാത്രം ഒരു മാറ്റവും ഇല്ല.
ഒരു അടീഷൻ മാത്രം കൂടി. "വാങ്ങിച്ചോണ്ട് വന്നേക്കുന്നു".
ഞാൻ പറഞ്ഞു . പിന്നേ എന്റെ അപ്പെന്റെയോ നിന്റെ അപ്പെന്റെയോ കടയല്ലേ നോക്കി മണത്തു ഞെക്കി വാങ്ങാൻ.
ഞാൻ ഒരു ബുദ്ധിമാൻ ആണ് എന്ന് ഇത് വായിക്കുന്ന ഏതൊരു ആണിനും മനസ്സിൽ ആാകും. കാരണം ഞാൻ ഇപ്പോൾ സാധാരണ മണ്ടെൻ ആണുങ്ങൾ പറയുന്നത് പോലെ അവളുടെ അപ്പെനെ മാത്രമാണ് പറഞ്ഞിരുന്നതെങ്ങിൽ സ്ഥിതി എന്താകുമായിരുന്നു.
സ്വല്പം ബുദ്ധി. കൂടുതൽ സമാധാനം, കൂടുതൽ ആയുസ്സ്.
ഞാൻ : എന്നാ പിന്നെ ഇനിയും നീ കൂടി വാ.
അവൾ : വരാം. എന്നാലെ ശരിയാകു.
അങ്ങനെ ഒരു ശനി ആഴ്ച. ഞാനും അവളും കൂടി ചങ്ങനാചേരി ചന്തയിലേക്ക് പോയീ.അവിടം മുഴുവൻ എന്റെ friends ആണ് . വര്ഷ ങ്ങളായീ നേടിയെടുത്ത കൂട്ടുകാർ.
കടക്കരാൻ : ആാ ഹാ. വൈഫും കുടയൂണ്ടെല്ലോ.
ഞാൻ: ആ അവളും ഇങ്ങു പോന്നു.
കടക്കരാൻ : നന്നായ്യീ. ഭാര്യമാര് കൂടി വരുന്നതാ നല്ലത്.
ഞാൻ മനസ്സിൽ പറഞ്ഞു അപ്പോൾ നിനക്കും എന്ന്റെ അനുഭവം തന്നെ ആണ് അല്ലെ.
ഭാര്യ ആണെങ്ങിൽ "നിന്നെ ശരിയാക്കി തരാമെടാ" എന്നാ മട്ടിൽ നിന്നു.
ഞാൻ : എന്നാൽ ഇനിയും നീ സെലക്ട് ചെയ്യ്.
അവൾ കുറെ നേരം നോക്കി നിന്നിട്ട് ഒരു കളാഞ്ചി സെലക്ട് ചെയ്തു.
Success.
ഇനിയും നേരെ അസ്യാൻ കുഞ്ഞിന്റെ അടുത്തേക്ക്.
ഈ അസ്യാൻ കുഞ്ഞാണ് മീൻ വെട്ടുന്നത്. വർഷങ്ങൾ ആയീ എന്റെ കൂട്ടുകാരാൻ ആണ് അയാൾ.
അയാൾ വെളുക്കെ ചിരിച്ചു. കണ്ണുകളിൽ ഒരു തിളക്കം. കാരണം അയാള്ക്ക് ഞാൻ എപ്പോഴും കൂടുതൽ പൈസ കൊടുക്കും.
അസ്യാൻ : സാറേ എന്തുണ്ട് വിശേഷം. ഭാര്യക്കും കുട്ടികള്ക്കും സുഖം തന്നെ അല്ലെ.
ഞാൻ: സുഖം തന്നെ.
അപ്പോളാണ് എന്റെ കഷത്തിന്റെ അകത്തു കേറി നില്കുന്ന ഭാര്യയെ കണ്ടത് .
അയാൾ കണ്ണ് കൊണ്ട് --- ആരാ---.
ഞാൻ: (ശബ്ദം ഇല്ലാതെ വാ കൊണ്ട് ആങ്ങിയം കാട്ടി പറഞ്ഞു) -- ഭാര്യ--.
അസ്യാൻ ഒറക്കെ : ഹോ മിഷെഷ് ആണെല്ലെ (മിസ്സെസ്) .
ഞാൻ തലയാട്ടി.
അസ്യാൻ : എന്ത് ചെയ്യുന്നു.
അവൾ : ടീച്ചർ.
അസ്യാൻ : ഹോ ടീച്ചർ ആണെല്ലെ. ടീച്ചറിനെ ഇപ്പോൾ വിട്ടേക്കാം.
അവൾ എന്നോട്: കണ്ടോ ടീച്ചറിന്റെ വില കണ്ടോ. അയാളെ കണ്ടു പടിക്കു.
ഞാൻ മുനി ആയീ. വെറുതെ എന്തിനാ വേണ്ടാത്തിടത്ത് കൊലിട്ടു ഇളക്കുന്നത്.
ഞാൻ അവളെ മാറ്റി നിർത്തി പറഞ്ഞു . നീ ഇനിയും മിണ്ടരുത്. ഇവിടെ നടക്കുന്ന കാര്യങ്ങൾ കണ്ടു പഠിക്ക്.
അവൾ ആകാംഷയോടെ അതും ഇതും നോക്കുകയാണ്. ആ കണ്ണുകളിലെ തിളക്കം കാണുബോൾ അറിയാം അവളുടെ ആകാംഷ.
അസ്യാൻ ഇപ്പോൾ നേരത്തെ വന്ന ആളിന്റെ മീൻ വെട്ടുകയാണ്.
പെട്ടെന്ന് അവൾ എന്റെ കഷത്തിന്റെ അകത്തു നിന്നും ആക്റ്റീവ് ആയീ.
അവൾ : നോക്ക് നോക്ക്. അവൾ എന്നെ ചോറിയന്നും പിച്ചാനും മാന്താനും തുടങ്ങി.
ഞാൻ : എന്താ.
അവൾ : അയാൾ മീൻ കഷണം അടിച്ചു മാറ്റുന്നത് കണ്ടോ.
ഞാൻ സൂക്ഷിച്ചു നോക്കിയപ്പോൾ കണ്ടു അസ്യാൻ രണ്ടു മൂന്നു കഷണങ്ങൾ മാറ്റുന്നു.
എന്നിക്കു ചിരി വന്നു.
ഞാൻ : എടി മിണ്ടാതെ ഇരിയെടി.
അവൾ അതൊന്നും ശ്രദ്ധിക്കാതെ : നോക്കികെ നോക്കിക്കേ
അസ്യാൻ ഇതെല്ലം ശ്രദ്ധിച്ചോണ്ട് നില്ക്കുകയാണ്.
അസ്യാൻ എന്നെ നോക്കി കണ്ണടച്ചു. എന്നിട്ട് : ആള് കൊള്ളാമല്ലോ.
ഞാൻ വളിച്ച ചിരിയോടെ : ആദ്യം ആയിട്ട് അല്ലെ ക്ഷമിക്കു.
അസ്യാൻ : ഓ സാരമില്ല. എന്നിട്ട് അവളോട് : ടീച്ചറെ ഞാൻ ഈ കഷണം ഒന്നും എടുത്തതല്ല. കൂലി ആണ്.
അവൾക് ഒന്നും മനസ്സിൽ ആയില്ല.
അവൾ എന്നോട് രഹസ്യമായി : ഒരു ദിവസം ഇങ്ങനെ പോയാൽ എത്ര കഷണം വീട്ടിൽ കൊണ്ടുപോകാം.
എന്നിക്കു സഹികെട്ടു ഞാൻ: എടീ ഇത് കൂലിയാണ്.
അവൾ: എന്നുവെച്ചാൽ.
ഞാൻ : എന്നുവെച്ചാൽ വെട്ടുന്നതിനു ചിലർ പൈസ കൊടുക്കും. ചിലർ പൈസയിക്ക് പകരം കഷണം എടുത്തോളാൻ പറയും.
അവൾ: പറയും പറയും. എന്നിട്ട് ഞാൻ ഇതുവരെ ഇങ്ങനെ പറഞ്ഞിട്ടില്ലല്ലോ. സെൻ ചയാൻ പറഞ്ഞിട്ടുണ്ടോ.
ഞാൻ : എടി മിണ്ടാതെ ഇരിയെടി.
അപ്പോഴേക്കും അസ്യാൻ ഞങ്ങളുടെ മീൻ വെട്ടാൻ എടുത്തു. അവൾ കുറെ കൂടി അടുത്ത് ചെന്ന് നിന്നു.
അസ്യാൻ : എന്റെ ടീച്ചറെ മാറി നിക്ക് തല വെട്ടുമ്പോൾ വെസ്റ്റെ തെറിക്കും.
ഞാൻ : നീ ഇങ്ങു പോര് . അസ്യാൻ വെട്ടികോളും.
അവൾ മനസില്ലാ മനസോടെ എന്റെ അടുത്ത് വന്നു നിന്നു .
അസ്യാൻ മീൻ വെട്ടി പായ്ക്ക് ചെയ്തു തന്നു എന്നിട്ട് എന്നോട് : ആളൊരു അമിട്ട ആണെല്ലേ.
ഞാൻ : യെ പാവമാ
രണ്ടു മൂന്നു ആഴ്ചകൾ കടന്നുപോയീ. ഞാൻ ഒറ്റക്ക് മീൻ വാങ്ങാൻ ചങ്ങനാച്ചേരി ക്ക് പോയീ.
മീൻ വെട്ടാൻ അസ്സ്യാൻ കുഞ്ഞിന്റെ അടുത്ത് കൊടുത്തിട്ട് ഞാൻ മാറി നിന്ന്.
അസ്യാൻ : മിഷെഷ്(മിസ്സെസ്) എന്തിയെ?.
ഞാൻ : വീട്ടിലുണ്ട്.
അസ്യാൻ : ആള് കൊള്ളം. കാക്കേടെ നോട്ടമാ.
ഞാൻ : ഓ എന്ത് പറയാൻ. പെണ്ണല്ലേ.
അസ്യാൻ : അതെയതെ.
അപ്പോളാണ് അസ്യാന്റെ ഒരു കൂട്ടുകാരാൻ വന്നത്.
കൂട്ടുകാരാൻ : എടാ എന്റെ മീൻ പെട്ടെന്ന് വെട്ടി തരണം.
അസ്യാൻ : പറ്റില്ല. ഈ സാറിന്റെ മീൻ വെട്ടിട്ടെ ഉള്ളു ബാക്കി കാര്യം.
കൂട്ടുകാരാൻ : അതെന്താ
അസ്യാൻ : സാറ് നമ്മുടെ അടുത്ത ആളാ.
കൂട്ടുകാരാൻ : ഏതാ
അസ്യാൻ : തിരുവല്ലയിൽ നിന്നാ.
കൂട്ടുകാരാൻ : ആഹാ
അസ്യാൻ : എന്റെ പ്രിയപെട്ട ആളാ. ഡീസെന്റാ. പക്ഷെ.
കൂട്ടുകാരാൻ : പക്ഷെ, പിന്നെ എന്നാ കുഴപ്പം.
അസ്യാൻ : കുഴപ്പം ഒന്നും ഇല്ല. പക്ഷെ ഭാര്യ ഭയങ്കര ഷെൽഫിഷാ.
കൂട്ടുകാരാൻ : അയ്യോടാ.
എന്നിക്കു ആദ്യം കാര്യം മനസ്സിൽ ആയില്ല. മനസ്സിൽ ആയപ്പോൾ ഞാൻ അറിയാതെ ഒറക്കെ ചിരിച്ചു പോയീ.
അസ്യാൻ ഉദ്ദേശിച്ചത് അവൾ selffish ആണെന്നാണ്.
ഞാൻ വീട്ടിൽ ചെന്നപ്പോൾ ഷെൽഫിഷ് പതിവ് ചോദ്യവും ആയീ വാതിൽകൽ നിൽകുന്നുണ്ടായിരുന്നു.
എനിക്ക്ചിരി അടക്കാൻ കഴിഞ്ഞില്ല.
അവൾ : എന്നാ ഇത്ര ചിരിക്കാൻ.
ഞാൻ : ഏയ്യ്.
അവൾ : പറയെന്നെ
ഞാൻ : ഓ ഒന്നുമില്ല.
അവൾ : അല്ല എന്തോ ഉണ്ട്. അല്ലെങ്കിൽ സെൻചയാൻ ഇങ്ങനെ ചിരിക്കുക ഇല്ല.
ഞാൻ : ഓ ഒന്നും ഇല്ലെടാ.
അവൾ : പറയെടാ.
ഞാൻ : നമ്മുടെ അസ്യാൻ പറയുകയായിരുന്നു
പെട്ടെന്ന് അവൾ : ആ നാറി എന്തൊവാ പറഞ്ഞെ. പറ.
ഞാൻ : നീ ഭയങ്കര ഷെൽഫിഷാണെന്ന്.
അവളുടെ മുഖം ചുവന്നു. അവൾക്കു കാര്യം പിടികിട്ടി.
അവൾ : അടുത്താഴ്ച ഞാനും വരുന്നു.
ഞാൻ : എന്തിനാ
അവൾ : ചുമ്മാ മാർക്കറ്റൊക്കെ ഒന്ന് കാണാൻ.
എന്റെ വയറ്റിൽ കോടി ഒരു മിസൈൽ പാഞ്ഞു പോയീ .
ഞാൻ : അടുത്താഴ്ച പള്ളി പെരുന്നാള് ആണെന്നു കേട്ടു. മാർക്കറ്റ്റ്റിന് അവധിയാണ് എന്ന് പറയുന്നത് കേട്ടു.
അവൾ : എങ്കിൽ അടുത്തതിന്റെ അടുത്ത ആഴ്ച പോകാം.
അടുത്തതിന്റെ അടുത്ത ആഴ്ച ആസ്യാൻ കുഞ്ഞിനു പനി വരണേ എന്ന് പ്രാർത്ഥിച്ചു കൊണ്ട് ഞാൻ അകത്തേക്ക് നടന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ